Tibbi Ərazi Bölmələrini İdarəetmə Birliyinin (TƏBİB) dəstəyi, Azərbaycan Minimal İnvaziv Cərrahlar Cəmiyyətinin təşkilatçılığı ilə Ulu Öndər Heydər Əliyevin anadan olmasının 100 illiyinə həsr edilən 6-cı Azərbaycan Alman Türk Tibb Konqresi və 8-ci Bakı Beynəlxalq Tibbi Treyninq Günləri davam edir.

TƏBİB-in tabeliyindəki Masallı Rayon Mərkəzi Xəstəxanasında "Nefrologiya və dializ", "Radiologiya", Təcili Tibbi Yardım” yarımbaşlıqları altında tanınmış yerli və xarici mütəxəssis həkimlərin iştirakı ilə panel diskusiyaları və ustad dərsləri həyata keçirilib.

Qeyd edək ki, "MEDSERVİS" ÖTM-in direktoru Hikmət İsmayılov həmin treyninqlərdə həkim mütəxəssis kimi iştirak edib.